சீரிய பணி

மறைந்த தலைவனை நினைந்து அனைவரும் இணைந்து போற்றிய  அஞ்சலி க் கூட்டம் .

நம் தமிழ் மாநில அஞ்சல் மூன்று சங்கம்  

அங்கீகாரம் பெற்ற பின்னர் , சிதறிக் கிடந்த  NFPE

 உறுப்பு சங்கங்களை  ஒன்று இணைத்ததும் , 

ஒன்று பட்ட ஒரே முகமாக NFPE  இயக்கத்தை 

தமிழகத்தில்  வெளிப்படுத்தியதும் நம் 

வெற்றியாகும்  .தொடர்ந்த அதன் சீரிய 

செயல்பாட்டின் வெளிப்பாடாய் ஓன்றுபட்ட 

அஞ்சலி க் கூட்டம் .

 நமது  மாநிலச்செயலர் JR அவர்கள்   அறிவுஜீவி  அன்புத்தலைவன்  KVS வழிகாட்டுதலில்  கடுமையாய் உழைக்கிறார் .அனைவரையும் அரவணைத்து நமது தமிழ் மாநில  அஞ்சல் மூன்றை வலிவுடனும் பொலிவுடனும் துடிப்புடனும் செயல்பட்டு வழி நடத்தும் போக்கு பாராட்டுக்குரியது . ஒற்றுமையே வெற்றிக்கு

 வழி ! வெல்லட்டும் உன் சீரிய பணி 

-- தோழமையுடன்    திருப்பூர் & மேட்டுபாளையம்  அஞ்சல் மூன்று 

CONDOLENCE MEETING TO SHARE WITH THE MEMORIES OF COM. O.P GUPTA

அன்புத் தோழர்களே ! இனிய  வணக்கம். !

இன்று (10.01.2013) மாலை  சுமார் 06.30 மணியளவில்  சென்னை  எழும்பூர் SRMU  சங்கத்தின் நக்கீரன் அரங்கத்தில் ,  NFPE தமிழ் மாநில அஞ்சல் RMS  இணைப்புக்குழுவின் சார்பில்  மறைந்த முது பெரும் தலைவர் தோழர்  O.P.  குப்தா  அவர்களின்  மறைவை ஒட்டி  நினைவஞ்சலிக்  கூட்டம்  சிறப்பாக நடைபெற்றது . 

கூட்டத்தின் சிறப்பம்சம் , அனைத்து பகுதி  மூத்த முன்னோடித்  தலைவர்கள் கலந்து கொண்டு மறைந்த தலைவரின்  நினைவுகளைப்  பகிர்ந்து கொண்டது தான்.

"என்ன தந்தும் ஒற்றுமை - என்னையே தந்தும் ஒற்றுமை"  என்பது  மறைந்த முது பெரும் தலைவர்  தோழர்   O.P. குப்தா அவர்களின்  காலத்தால் மறையாத வாசகங்கள். 

இந்த  வரலாற்று வரிகளின்  உதாரணமாக , பல்வேறு  பரிமாணங்களைக்  கொண்ட , பல்வேறு   சித்தாந்தங்களை  கொண்ட , பல்வேறு அரசியல் கருத்தோட்டங்களை கொண்ட  மூத்த   தொழிற்  சங்கத் தலைவர்களை ஒரே மேடையில்  தோழர்.  குப்தா அவர்களின்  நினைவஞ்சலிக் கூட்டத்தில்  கலந்து கொள்ள வைத்து , அந்த மாபெரும்  தலைவனுக்கு   அஞ்சலி செலுத்தியது தான் ,  அந்தத் தலைவனுக்கு நாம் செலுத்திய  உண்மையான அஞ்சலி ஆகும்.

தமிழ் மாநில அஞ்சல் RMS  இணைப்புக் குழுவின் தலைவர்  தோழர் . K . ராஜேந்திரன் அவர்கள் தலைமை ஏற்க ,  இணைப்புக் குழுவின்  முன்னாள்  கன்வீனர்  தோழர். M . கண்ணையன் அவர்கள்  முன்னிலை வகிக்க ,  இந்நாள்  கன்வீனர் தோழர். J.R.  அவர்கள் துவக்கி வைக்க , நினைவஞ்சலிக் கூட்டம்  ,  மறைந்த தலைவரின் நினைவுகளைப் பகிர்ந்து கொள்ளும் வண்ணம் வெகு சிறப்பாக நடைபெற்றது. 

NFPE  இயக்கத்தின் மூத்த தோழரும் ,  மத்திய அரசு ஊழியர் மகா சம்மேளனத்தின்  தமிழ் மாநில  தலைவருமான  தோழர் . A.G. பசுபதி அவர்கள்  தோழர் குப்தா அவர்களின்  திருவுருவப்  படத்தை  திறந்து வைக்க , மத்திய அரசு ஊழியர்  மகா  சம்மேளனத்தின் அகில இந்திய உதவித் தலைவர்  தோழர்.  K.R.  அவர்கள்   மாலை அணிவித்து மரியாதை செலுத்தினார்கள் . 

கூட்டத்தில்  கீழ்க் கண்ட  தலைவர்கள் ,  கடந்த கால  தொழிற் சங்க இயக்கங்கள் , 1947 UPTW  காலம் தொட்டு  1954  NFPTE  பேரியக்கம்  உருவான வரலாறு முதல் , 1960  மற்றும் 1968  போராட்டங்கள்  உள்ளிட்ட NFPTE  இன் இயக்க வரலாறு குறித்தும்  அதில் கடந்த  66 ஆண்டுகளில்  தோழர் குப்தா அவர்களின் பங்கு குறித்தும்  ,   தோழர். குப்தா அவர்களுடன்  தங்களின் அனுபவங்கள் குறித்தும்  உணர்ச்சி  மேலிட எடுத்துரைத்தார்கள். 

அஞ்சலி  உரையாற்றிய  தோழர்கள் :-

1. தோழர்.  சோமசுந்தரம், முன்னாள்  மாநிலச் செயலர் ,  FNPO R 3

2.  "   R.K. ,  முன்னாள் சம்மேளனச் செயலர் , NFTE,  தொலைத்  தொடர்பு.

3.  "                நூர்  அகமது , முன்னாள் அ .இ .பொதுச் செயலர் , R 4, FNPO .

4.  "                S . செல்லப்பா ,  மாநிலச் செயலர் , BSNLEU,  தமிழ் நாடு. 

5.  "                K . குணசேகரன், மாநிலச் செயலர், P 4, FNPO .

6.  "                R . பட்டாபிராமன், மாநிலச் செயலர்,  NFTE , தமிழ் நாடு.

7.  "                முத்தியாலு, முன்னாள் மாநிலச் செயலர் , NFTE .

8.  "                பரந்தாமன், மாநில உதவிச் செயலர் , AIPEDEU , தமிழ் நாடு. 

9.  "                K.V.S. , முன்னாள் பொதுச்  செயலர் , அஞ்சல் மூன்று, NFPE .

                                                                     LEADER  STAFFSIDE  JCM

10. "               S . ரகுபதி, உதவி மா பொதுச் செயலர், NFPE .

11. "               J . ராமமுர்த்தி , மாநிலச் செயலர் , அஞ்சல் மூன்று, NFPE .

12. "               K . சங்கரன் , மாநிலச் செயலர், RMS  மூன்று,  NFPE .

13. "             N . கோபாலகிருஷ்ணன், செயல் தலைவர், அஞ்சல் மூன்று, CHQ .

14. "               R . பார்த்திபன், முன்னாள் மா. செயலர், அஞ்சல் மூன்று, NFPE .

15. "               K .R ., முன்னாள் மா பொதுச் செயலர், NFPE .

16. " A .G . பசுபதி,  தலைவர், மத்திய அரசு ஊழியர் மகா சம்மேளனம்,T.N.

 நம் தமிழ் மாநில அஞ்சல் மூன்று சங்கம்  அங்கீகாரம் பெற்ற பின்னர் , சிதறிக் கிடந்த  NFPE  உறுப்பு சங்கங்களை  ஒன்று இணைத்ததும் , ஒன்று பட்ட ஒரே முகமாக NFPE  இயக்கத்தை தமிழகத்தில்  வெளிப்படுத்தியதும் நம் வெற்றியாகும்  .

மாற்றுச்  சங்கமான  FNPO  வையும் ஒருங்கிணைத்து , தொழிலாளர் ஒற்றுமையை வெளிப்படுத்தி , பல்வேறு போராட்டங்களை JCA  வடிவில்  தமிழகத்தில் வெளிப்படுத்தியதும்  நம் வெற்றியே . 

பிரிந்து கிடந்த ,  அஞ்சல்  பகுதி , RMS  பகுதி  மற்றும் தொலைத்  தொடர்பு  பகுதிகளின் பல்வேறு பட்ட  தொழிற்சங்கங்களையும்  ஒருங்கிணைத்து  ஒன்று பட்ட  நிலையை ஏற்படுத்தி இருப்பது  இன்றைய வெற்றியாகும்  . 

அனைத்து மத்திய அரசு ஊழியர் சங்கங்களையும் ஒருங்கிணைத்து  பல்வேறு போராட்ட இயக்கங்களை  தற்போது ஒன்று பட்டு நடத்தி வருவதும்  நம் வெற்றியே . 

இந்த  நிகழ்வு  இனி வருங்காலங்களில்  பல்வேறு போராட்டங்களில்  தொடர் நிகழ்வாக அமையும் என்றும்  இனி  உழைக்கும்  வர்க்கம்  ஒரே குரலாக ,  ஓரணியில் திரளும் என்பதும் ,   தோழர். குப்தா அவர்களின்  நினைவஞ்சலி கூட்டத்தில்  நமது  அஞ்சல் RMS  இணைப்புக் குழு சார்பாக நாம் அளித்த உறுதி மொழியாகும்.  இதுவே  தோழர்  குப்தா அவர்களுக்கு நாம்  செலுத்தும் உண்மை அஞ்சலி ஆகும்.  அவர்தம் நினைவை ஏந்தி , ஊழியர்  பணியில்  உழைக்கும் வர்க்கத்தை ஓரணியில்  திரட்டுவதுவே  நம் முன் உள்ள  இன்றைய   கடமையாகும்  அந்த திசை நோக்கி  நாம் சிந்திப்போம். 

தோழமையுடன்,

தோழர். J.R. , கன்வீனர், 

அஞ்சல் - RMS -MMS -GDS  

சங்கங்களின் இணைப்புக் குழு, 

தமிழ் மாநிலம் .