" எரிமலை எப்படிப் பொறுக்கும் ?

SPEED UP STRIKE ACTIVITIES - GEAR UP MEETINGS- VISIT ALL OFFICES
போர் முரசு கொட்டட்டும் ! வேலை நிறுத்தம் வெல்லட்டும் !
அன்பான கோட்ட/ கிளைச் செயலர்களே/ சங்க மறவர்களே !

இன்னும் 11 நாட்களே உள்ளன ! ஆம் ! தினம் ஒரு நாள்... கணக்கில்
குறையும் ! நெருங்கி வருகிறது ஜூலை 5 ஆம் நாள் ! காலவரையற்ற
வேலை நிறுத்தம் துவங்கும் நாள் !

அஞ்சலக மூடல் ! RMS ஒழிப்பு ! ஸ்பீட் போஸ்ட் , REGISTERED போஸ்ட்
ஹப் சென்டர் , GDS ஊழியர் ENGANGEMENT RULES , மெக்கென்சி அந்நிய
நிறுவனத்தின் கட்டுப்பாட்டில் அஞ்சல் துறை , ACCENTURE இன் கீழ்
அஞ்சலக கணினி ! எங்கு போகிறது அஞ்சல் துறை ?

முந்தைய தொலைத் தொடர்புத்துறை BSNL ஆகி மூடு விழா நோக்கி
முன்னேறுவதைப் பார்த்த பின்னுமா தயக்கம் ! இன்றில்லையேல்
என்றுமில்லை ! அஞ்சல் துறை அரசுத் துறையாக இருக்குமா ?
தனியார் துறையாய் மாறுமா ? மக்கள் சேவை இருக்குமா ?
அஞ்சல் துறை மானம் காக்கப்படுமா ? எல்லாம் மறந்து மண்ணாகப்
போகுமா ?

" எரிமலை எப்படிப் பொறுக்கும் ? நம் நெருப்புக்கு இன்னுமா உறக்கம் ?
சிங்கக் கூட்டம் எழுந்தால் - துன்ப விலங்குகள் தெறிக்கும் !"

கவிஞனின் வைர வரிகள் மறந்தே போகுமா ?

" மறக்காது ! இது மறவர் பூமி ! வெங்கொடுமை சாக்காட்டில்
செங்குருதி சிந்தியது எங்கள் NFPE !" என்ற பதில் உன்னிடமிருந்து
கிடைக்குமா ? கிடைக்கும் என்கிறது நம் வரலாறு !
வெல்லும் என்கிறது நம் பதிவேடு !

அனைத்து உறுப்பினரையும் நேரில் சந்திப்போம் !
அனைத்து அலுவலகங்களுக்கும் நேரில் செல்வோம் !
கோரிக்கை அடங்கிய சுற்றறிக்கைகளை அனைத்து ஊழியருக்கும்
நேரில் அளிப்போம் !
போராட்டக்குழுக்கள் அமைப்போம் !

தலைவர்களை அழைத்து சிறப்புக்கூட்டங்கள் போடுவோம் !
அரசியல் கட்சி பிரமுகர்கள், தொழிச் சங்கத் தலைவர்களை
நேரில் சென்று பார்ப்போம் ! கோரிக்கைகளை விளக்குவோம்!
அரசுத் துறை காக்க போராட்டத்தில் நேரில் கலந்து கொள்ள
அவர்களையும் அழைப்போம் ~! பத்திரிகைகளில் செய்திகள்
தினம் தினம் வரச் செய்வோம் !

JCA வை வலுப்படுத்துவோம் ! ஊழியர் ஒற்றுமையை
பலப்படுத்துவோம் ! தவறாக திசை திருப்பப் படுவோருக்கும்
நேரான பாதை கட்டுவோம் ! இந்தப் போர்..... நம் அனைவரின்
உரிமை காக்கும் போர் என்பதை தெளிவு படுத்துவோம் !

என்ன தோழனே ! இந்த வேலைகளெல்லாம் உங்கள் கோட்டத்தில்
நீ செய்கிறாயா ? செய்வாய் என்று நம்புகிறோம் !
இதற்குமுன் செய்யவில்லை எனில் இன்று முதல் செய்வாய்
என்றும் நம்புகிறோம் ! நீ செய்யாவிடில் வேறு யார் செய்வார் ?

இது உன்னைக் காக்க போராட்டம் ! நம்மைக்காக்க போராட்டம் !
இன்று இல்லையேல் என்றும் இல்லை !

களம் இறங்கு ! ஆர்ப்பரி ! போராடு ! வெற்றி நமதே என்று
கொட்டு முரசு ! வருங்கால சமுதாயத்திற்கு நாம் வீழ்ந்தேனும்
விதையாவோம் !

இதை எழுதும் போதே ..... லேசாகத் துவங்கிய சத்தம் ....
இப்போது பலமாகக் கேட்கத்துவங்கி விட்டதே! .... அட...அது
என்ன சத்தம் ..... என் தோழன் அறையும் முரசின்
சத்தமா அது ? போர் முரசு சத்தமா அது ?

இது மாநிலமெங்கும் கேட்கத் துவங்குமோ ?
இந்தியத் திருநாடெங்கும் பரவத் துவங்குமோ ?

ஆம் ! துவங்கும் ! தொடரும் ! ....... நம் படை
களம் இறங்கும் ..... வெற்றிப் பதாகை
விண்ணில் பட்டொளி வீசிப் படரும் .....

........... நம்பிக்கையோடு டெல்லி நோக்கிச்
செல்கிறேன் தோழனே ! உன் பொறுப்பில் நான் !

......... வாழ்த்துகிறேன் ..... வணங்குகிறேன் .....
அன்புடன் ..... என்றும் உன் அன்புத் தொண்டன் ... K .V .S .